Skip to content

2 min readWritten in Arabic

Logging fetches in Next.js to debug stale data

سطرين في ملف ال next.config.js ممكن يوفروا عليك وقت كتييير في الـ Debugging

logging: {
  fetches: {
    fullUrl: true,
    hmrRefreshes: true,
  },
}

عدلت الداتا ورجعت للصفحة لقيتها لسه بتعرض القديم عملت Refresh مرة واتنين وعشرة ولسا ذي ما احنا طيب هو الريكوست بيتبعت أصلا ولا Next مرجعلي حاجة من الكاش

أول ما تضيف الإعداد ده كل fetch بيحصل على السيرفر هيظهرلك في الـ Terminal بالشكل ده

GET api.example.com/posts 200 in 5ms (cache hit)

cache hit معناها Next رجعلك الداتا من الـ Data Cache بدل ما يبعت Request جديد للـ API يعني كده عرفت إن المشكلة غالبًا من الكاش مش من الـ API نفسه

cache skip يبقي Next تخطى الـ Data Cache وهيطلب الداتا من المصدر وهيكتبلك السبب كدا

Cache skipped reason: (cache: no-store)

وفيه تفصيلة مهمة لو بتشتغل في الـ Development

نيكست عنده حاجة اسمها HMR Cache ممكن تحتفظ بنتائج الـ fetch حتى لو مستخدم no-store ده ممكن يخليك تشوف داتا قديمة أثناء الـ Hot Reload

وعشان كده ضفنا hmrRefreshes: true عشان نتابع الـ Requests اللي رجعت من النوع ده من الكاش برضه

ولو إنت على Next 15 أو أحدث متستغربش إن اغلب الـ fetch requests عندك بتعمل cache skip لأن الـ fetch مبقاش بيتكاش تلقائيا في الـ Data Cache

لو محتاج الكاش استخدم force-cache أو حدد مدة الريفاليديشن باستخدام next.revalidate.

الإعداد ده شغال في الـ Development بس و شغال مع النيتف fetch يعني مش هيشتغل مع axios

لاحظ ان cache skip مش ضمان إن الداتا Fresh هي بس معناها إن Next مستخدمش الكاش بتاعه لكن ممكن يكون فيه كاش في حته تانية زي CDN قدام الـ api أو redis في الـ backend فالريكوست يروح ويرجع بداتا قديمة برضه