Skip to content

4 min readWritten in Arabic

Why hydration errors happen in Next.js

وأنت شغال على مشروع Nextjs أكيد قابلك في مرة الـ Hydration Error المشهور اللي بيقولك

Text content does not match server-rendered HTML

وساعتها قدامك طريقين يا إما تروح للـ Documentation وهتلاقي حل ذي استخدام isClient مع useEffect ممكن كمان تقفل الـ SSR في الصفحة خالص وتريح دماغك

يا إما تكون شخص فضولي ذي حالاتي وتدور هو ليه بيحصل اصلا وساعتها هتكتشف إنك هيتفتحلك عالم عن الـ Rendering وطريقة شغل Next من جوا

احنا عارفين الفرق بين الـ Server Components والـ Client Components بس فيه مفهوم غلط منتشر إن "use client" معناها إن الكومبوننت بيتنفذ على المتصفح بس

بس لا مش معناها كدا الـ Client Components بيتعملها Render على السيرفر برضه ذيها ذي ال server components في اول مرة اليوزر يفتح فيها الصفحة وناتج عملية الريندرنج دي هيكون HTML جاهز للمتصفح عشان اليوزر يقدر يشوف المحتوى بسرعة من غير ما يستنى تحميل وتنفيذ كل الـ Javascript وبالتالي نكون سرعنا جدا Initial Page Load

بس الـ HTML لوحده مش كفاية عشان React يكمل شغله احنا كدا خدنا سرعة بس مفيش اي interactivity

لازملنا حاجه تانية من السيرفر يبعتها معاه اسمها RSC Payload وده text بفورمات خاص شبه الـ json بيوصف الـ React Server Components Tree فيه ناتج الـ Server Components ومعلومات عن أماكن الـ Client Components والـ Props بتاعتها ومكان الـ JS Chunk اللي فيه الكود بتاع كل كومبوننت منهم يعني تقدر تعتبره دليل بيعرف React كل Client Component مكانه فين ومحتاج إيه عشان يبقى Interactive

المتصفح ينزل الـ Chunks دي وReact يفهم تركيب الـ tree ويكمل التعامل معاها على الكلاينت

و يبدأ مرحلة الـ Hydration اللي من غيرها كل الكلاينت كومبوننتس دي هتفضل ميته

React بيستخدم الـ Fiber Architecture لتمثيل الـ Component Tree وبيطابق الـ React Elements مع الـ DOM الموجود ويربط الـ Event Handlers من غير ما يبني الصفحة من الأول

كدا نعرف ليه Hydration Error حصل أثناء الـ Hydration رياكت بيكون متوقع إن الـ Initial Render على الكلاينت يطابق الـ HTML اللي اتولد على السيرفر

يعني مثلا Component عندك بيعرض الساعة

السيرفر عمله Render والوقت كان 10:00:00 ولما React جه يعمل Render على المتصفح الوقت بقى 10:00:02

بالتالي React لقى اختلاف بين اللي كان متوقعه واللي موجود في الـ DOM او ذي ما بيسموه Hydration Mismatch

ونفس المشكلة ممكن تحصل لو عملت شرط على window أو localStorage أثناء الـ Render لانه ذي ما قولنا بيرندر في البداية علي السيرفر و window دا و localStorage حاجات مش متاحة اصلا ع السيرفر دي browser APIs فقط

ولو رجعت لحل isClient هتلاقيه منطقي جدًا بس المهم تكون فاهم ليه بنعمل كده في أول Render بنعرض نفس المحتوى على السيرفر والكلاينت عشان الـ Hydration تتم من غير اختلاف بعدها الـ useEffect بيشتغل على المتصفح فنقدر نقرأ بيانات زي localStorage ونحدّث الـ UI بناء عليها الفكرة دي اسمها two pass rendering يعني بنعمل Render مرتين مرة عشان الـ Hydration تعدي بشكل سليم ومرة تانية عشان نعرض البيانات الخاصة بالبراوزر

ف احيانا انك تتبع Error عادي قابلك في مشروع بيوديك لاماكن تطلع منها فاهم ال Tool اللي ف ايدك بتشتغل إزاي تحت الكبوت